PEMBAWA
ACARA RESEPSI PERNIKAHAN BAHASA SUNDA
Bapak-bapak ibu-ibu sadayana
Sakumaha ka uninga ku sadayana Alhamdulillah calon panganten
pameget miwah rombongan
Parantos sumping
ngeungkeuy ngabandaleut ngemat-ngemat nyatang pinang.
Bismilah purwa wiwitan ieu pamuka carita minangka pamuka
acara .
Babasan padika pagawean, lamun nangtung ka jungjunan sing
lulus bantun jeng tumbu buah serehna neda panyaksen acara bade dikawitan
Mapag calon
panganten
Pangersa calon panganten pameget miwah rombongan.
Jagong tuhur menang ngunun, haturan wilujeng sumping,
Disugeng ing pucu galuh cimeled kalurahan sukanagara ka
telahna.
Tempat anyar pang harepan sarakan keur kahirupan ker kulwargi.
Calon panganten istri bisi si jalu hanyelu, si lanag
honceewang, sumangga geura hiyap calon panganten pameget miwah rombongan.
Pangalungan
mangle
Tawis panampian Tatamu, Tanda kameumeut ka deudeuh, Tawis
asih ti kakasih, Tanda tresna ka nyaah, Tawis ka rungrum hate perseka ka
bersihan manah, Mangga geura kalungken eta mangle.
( mangle di kalungkeun)
Haturan wilujeung sumping, ka calon panganten pameget. Tutut
gunung keong reuma sumangga geura gek calik
Seserahan
BISMILAH…….
Para hadirin para tatamu sadayana khususuna ka calon
panganten sareng rombongan,
Bawi raos emutan pribados, pamali mun di lamai-lami, teu
kedah di lila-lila. Nu di anti-anti titatadi, di dago-dago ti bareto, ayeuna
parantos nyampak, sok sanaos sami surti, sami uninga maksadna, nanging kango
nyumponan tindak tanduk, tata titi duduga peryoga, manusa pangeusi alam dunya,
anu parantos dipaparin manah, rasa, sareng lisan tina sairing dumadi, teu cekap
ku surti sareng tekad wungkul, naming kedah di sarengan ku ucap, teu sae miulan
awi mere cai geusan mandi, mere huut tina guguran, naming kedah di bejer beaskeun
kembang boled nu tetela.
Para hadirin miwah para tamu sadayana,
Acara urang kawitan ku lantunan kalam ilahi anu bade di lantunken ku ………..
Ngahaturkeun nuhun ka ……………….anu parantos ngumandangkeun kalam…….
Calon panganten miwah
rombongan,
Mugi teu janten
kekeling galih, rengatna manah. Aya naon nya pamksadan? numawi jauh-jauh di
jug-jug, Anggang-anggang di teang, sumangga geura wakcakeun masing balaka,
sumangga ka pangersa kasepuhan calon panganten pameget dihaturan ka payun kango
ngadugiken lebet ning kalbu jeroning manah.
Panampian
Para wargi sadayana,
Nembe parantos sami-sami nyakseni, gerentes kalbu kasepuhan
ti calon panganten sareng rombongan, lain
lantung tambuh laku sanes lunta tanpa seja, purwa aya nu dimaksad seja ngaitken
janji pasini, manjangkan simpai babarayaan, sakotretna tina hate, sakeser daun
satangkal, sabungkus bareng jeung bungkusna, nyerahkeun panganten pameget
sareng cacandakan nana, Sim kuring mung saukur derma, teu wasa panjang carita.
Kanggo pang walerna mangga nyanggakeun kanu di sepuhkeun ti pihak calon
panganten istri, waktos sumangga di haturkeun……
Para wargi sadayana, Bingah kagiri-giri, Bingah nu teu aya
papadana. Nugar cadas manggih emas, mobok manggih gorowong, aya jalan komo
mentas, jalan gede sasapuan, batu turun keusik naek itu purun ieu daek, laksana
nya pamaksadan. Kumargi kiti hiyap ka calon panganten sareng cacandakannana.
Mangga cacandakannana hiji di dugikeun secara simbolis ku ibu calon panganten
pameget nu di tampi ku ibu calon panganten istri…. Nu sanes mah di antaykeun
bae. (mangga ka calon panganten pameget di candak ka lebet heula kangge di
dangdosan)
Akad Nikah
Para wargi sadayana,
Niti wanci nu mustari, ninggang mangsa nu waluya, Malati
ligar na ati, campaka mangkak na dada, koleak sakembaran, koceak ninggang
ugana, uga pakaitna tatali asih neng…….ka cep……. Janji urang pastikeun, subaya
urang nyatakeun, nu di seja mang nyata panyakseni ti sadayana, upacara akad
pernikahan seja di kawitan ( mangga candak caon panganten dua nana kaluar)
Sumangga ka bapa petugas ti Kantor Urusan Agama kanggo ngalaksanakeun Akad
nikahna neng………..ka cep…………….
Alhamdulillah wasyukru ‘ala ni’amillahkalawan ridho gusti anu
maha welas tur maha asihoge pang du’a ti sadayana, akad nikahna neng…………ka
cep………parantos rengse kalayan aya dina kalancaran.